മുന്‍ എം.എല്‍.എ യും, ക്നാനായ കത്തേലിക്ക കോണ്‍ഗ്രസ്‌ മുന്‍ പ്രസിഡന്റും, കേരള കോണ്‍ഗ്രസ്‌ സംസ്ഥാന ജനറല്‍ സെക്രട്ടറിയും, ക്നാനായ സമുദായ നേതാവുമായ ഇ.ജെ.ലൂക്കോസ് (79) ഇന്ന്‌ (തിങ്കള്‍) രാവിലെ പതിനൊന്നരയോടെ മോനിപ്പള്ളി എം.യു.എം ആശുപത്രിയില്‍ വച്ച് അന്തരിച്ചു. ഏതാനും മാസങ്ങളായി രോഗബാധിതനായിരുന്നു.
ഞായറാഴ്‌ച ഉച്ചയ്‌ക്ക്‌ പന്ത്രണ്ടു മണിയോടെ ശ്വാസംമുട്ടല്‍ അനുഭവപ്പെട്ടതിനെ തുടര്‍ന്നാണ്‌ ഉഴൂവൂരിലെ വീട്ടില്‍ നിന്ന്‌ ലൂക്കോസ് സാറിനെ മോനിപ്പള്ളി ആശുപത്രിയില്‍ കൊണ്ടുവന്നത്‌. ന്യുമോണിയയും ബാധിച്ചിരുന്നു. ആരോഗ്യസ്ഥിതി അല്‍പം മെച്ചപ്പെട്ടതിനെ തുടര്‍ന്ന്‌ രണ്ടു മണിയോടെ മുറിയിലേക്കു മാറ്റി. പക്ഷേ, തിങ്കളാഴ്‌ച പുലര്‍ച്ചെ രണ്ടു മണിയോടെ ശ്വാസതടസം വര്‍ധിച്ചു. തുടര്‍ന്ന്‌ സ്ഥിതി ഒന്നിനൊന്നു മോശമാവുകയായിരുന്നു. രാവിലെ ഫാ. സൈമണ്‍ ഊരാളില്‍ അന്ത്യകൂദാശകള്‍ നല്‍കി. പത്തു മണിയോടെ കോട്ടയം അതിരൂപത സഹായ മെത്രാന്‍ മാര്‍ ജോസഫ്‌ പണ്ടാരശേരില്‍ ആശുപത്രിയിലെത്തി പ്രാര്‍ഥിച്ചു. പതിനൊന്നരയോടെ അന്ത്യം സംഭവിച്ചു. മൃതദേഹം മോനിപ്പള്ളി ആശുപത്രി മോര്‍ച്ചറിയിലേക്കു മാറ്റി.
ഏതാനും മാസങ്ങളായി പാര്‍ക്കിന്‍സണ്‍സ്‌, ഡിമെന്‍ഷ്യ രോഗങ്ങള്‍ക്ക്‌ എറണാകുളം ലൂര്‍ദ്‌ ആശുപത്രയിലെ ചികിത്സയിലായിരുന്നു.
ആദരണീയരായ ക്നാനയക്കാര്‍" എന്ന പംക്തിയില്‍ 2009 ഏപ്രിലില്‍ ലൂക്കോസ് സാറിനെക്കുറിച്ചു പ്രസധീകരിച്ച സ്നേഹ സന്ദേശം ഫീച്ചര്‍ വായിക്കുവാന്‍ ഇവിടെക്ലിക്ക് ചെയ്യുക.
ഇ.ജെ. ലൂക്കോസ് സാറിന്‌ സ്നേഹ സന്ദേശത്തിന്റെയും ബ്രിട്ടീഷ്‌ ക്നായുടെയും ആദരാഞ്‌ജലികള്‍
കടപ്പാട്: അപ്ന ദേശ്
ആദരാഞ്‌ജലികള്‍
ReplyDeleteഅറിഞ്ഞിടത്തോളം ഒരുമനുഷ്യനെപോലും ഉപദ്രവിക്കാത്ത മനുഷ്യന്‍ ,ശാന്തതയുടെ പര്യായം,അഭിനയം തെല്ലും വശമില്ലാത്ത വ്യക്തിത്വം, പറയുന്നത് ചെയ്യുകയും ,ചെയ്യുന്നത് മാത്രം പറയുകയും ചെയ്തിരുന്നവന്‍ , ജന്മം കൊടുത്ത അപ്പന്‍ നല്കിയപേര്‍ മാറ്റാത്ത വ്യക്തി . നല്ല മനുഷ്യര്‍ക്ക്‌ പറ്റാത്ത രാഷ്ട്രിയത്തില്‍ ഇറങ്ങിയെന്നതോഴിച്ചാല്‍ , തികച്ചും അനുകരിക്കാന്‍ പറ്റുന്ന ഒരു ജീവിതം .
ReplyDeleteമത്തായി - 5:5 ശാന്ത ശീലര്‍ ഭാഗ്യവാന്മാർ; അവർ ഭൂമിയെ( പുതിയ ) അവകാശമാക്കും.
ഗലാത്യർ - 5:22 ആത്മാവിന്റെ ഫലമോ: സ്നേഹം, സന്തോഷം, സമാധാനം, ദീർഘക്ഷമ, ദയ, പരോപകാരം, വിശ്വസ്തത, സൌമ്യത.
സങ്കീർത്തനങ്ങൾ - 37:11 എന്നാൽ സൌമ്യതയുള്ളവർ ഭൂമിയെ കൈവശമാക്കും; സമാധാനസമൃദ്ധിയിൽ അവർ ആനന്ദിക്കും.